Vitamina B9
– Ndryshe njihet si acid folik dhe është shumë e dobishme për zhvillimin e sistemit nervor qëndror. Vitaminat janë të dobishme për të gjithë, por ka disa që duken sikur janë krijuar enkas për femrat. Organizmi femeror tregon një nevojë më të thesuar për 8 vitamina specifike. Le të shohim se cilat janë, ku gjenden dhe përse janë kaq të rëndësishme.
Vitamina A
– Në këtë vitaminë kemi të konservuar beta-caroteni. Ai ndihmon në ruajtjen e eshtrave dhe indeve që janë një nga pjesët më delikate të trupit femëror, sidomos pas perjudhës së menopausës. Gjithashtu, vitamina A stimulon sistemin imunitar dhe mbron dhe fortëson shikimin. Ushqimet më të pasura me këtë vitaminë janë qumështi, e verdha e vezës, perimet me gjethe jeshile, karrotat, pjepri dhe portokalli.
Vitamina B6
– Kjo vitaminë njihet ndryshe me emrin pyridoxinë dhe ka një rol të rëndësishëm në forcimin e sistemit imunitar dhe rregullimin e hormoneve.Vitamina B është e dobishme për metabolizmin dhe funksionin e trurit. Ushqimet më të pasura me këtë vitaminë janë: mishi i pulës dhe i viçit, tërshëra, misri dhe avokado.
Vitamin B9
– Ndryshe njihet si acid folik dhe është shumë e dobishme për zhvillimin e sistemit nervor qëndror. Kjo vitaminë është edhe një nga lëndët ushqyese kryesore të ADN-së tonë. B9 është veçanërisht e rëndësishme për femrat, sepse ndihmon zhvillimin korrekt të fetusit. Mungesa e acidit folik mund të çojë në lindjen e një fëmije me defekte, por edhe në dëmtimin e ADN-së. Ushqimet më të pasura me B9 janë: perimet me gjethe jeshile, frutat, agrumet, bishtajorët, vezët dhe mëlçitë.
Vitamina B12
– Cyanocobalamin është e konservuar në këtë vitaminë. Kjo është përgjegjëse për kujtesës dhe gjithashtu rregullon dhe promovon funksionimin e duhur të nervave. Vitamina B12 është e rëndësishme për ndarjen e qelizave, sintezën e proteinave, metabolizmin dhe sigurimin e energjisë nga ushqimi. Ushqime më të pasura në B12 janë produktet e qumështit, vezët, peshk dhe mish i kuq.
Vitamina C
– Me merita të plota është quajtur “super-vitamina” sepse është burimi më i mirë i karburantit për sistemin imunitar. Ndikimi i kësaj vitamine është i pranishëm në shumë aktivitete qelizore. Vitamina C ndihmon prodhimin e qelizave të kuqe të gjakut dhe lehtëson transportin e hekurit. Përveç kësaj, vitamina C rrit përqëndrimin sepse ndikon në rritjen e nivelit të norepinephrinës në tru. Ushqimet më të pasura me këtë vitaminë janë: kivi, portokalli,limoni luleshtrydhja, patatet dhe brokoli.
Vitamina D
– Kjo është vitamina e kockave. Me kalimin e moshës kockat humbasin dendësi dhe kjo shoqërohet me shfaqjen e osteoporozës. Përdorimi i vitaminave D që në fëmijëri dhe në vazhdim parandalon këtë rrezik dhe fortëson dhëmbët. Ndikimi i kësaj vitamine ndjehet edhe gjatë ciklit menstrual. Studimet e ndryshme kanë vërtetuar se vitamina D luan një rol kyç në parandalimin e kancerit të zorrës së trashë dhe të artritit reumatoid. Kjo vitaminë gjendet kryesisht në ushqime si: qumështi, veza, peshku dhe këshillohe ekspozimi në rrezet e diellit sepse ky i fundit ndihmon në sintezën e kësaj vitamine.
Vitamina E
– Është një antioksidant i rëndësishëm për femrat. Ajo ndihmon në rritjen dhe fortësimin e flokëve, riparimin e indeve, mbron trupin nga procesi i plakjes, siguron thonj të shëndetshëm, mbron sytë dhe mëlçinë. Ushqimet në të cilat mund të gjeni me shumicë vitaminë E janë pothuajse të gjitha frutat dhe perimet.
Vitamina K
– Vitamina K është e rëndësishme sepse kjo ndihmon në koagulimin e gjakut, gjithashtu ndihmon për të mbajtur kockat e forta si edhe në parandalimin e sëmundjeve të zemrës. Ushqimet më të pasura me vitaminën K-janë: perimet me gjethe jeshile, brokoli, vaji i sojës dhe vaji peshkut.
