Suedezi, Johan Gustaf Sandberg, përjetëson në tablo në vitin 1854, me bojra vaji në pëlhurë “Pesë Mjeshtrat e Vjetër”. Poussin, Raphael, Rubens, Dürer, Rembrandt, janë në këtë tablo ata që njihnim, janë ato që historia e botës së artit i shndërroi në fenomene krijuese, në etapat e kapërcyellit të shpirtit. Në qiejt e famël i plazmoi shkreptimat e tyre të dritshme.
Tabloja ndodhet aktualisht në Muzeun Kombëtar, Stokholm dhe është padiskutim një nga punët më përfaqësuese të Johan Gustaf Sandberg (13 maj 1782 – 26 qershor 1854). Ai ishte kryesisht një piktor historie dhe përdorte mjedise nga mitologjia norvegjeze dhe historia suedeze për të krijuar galerinë e tij. Ndër punët e tij më të njohura janë afresket e tij në Katedralen e Uppsalas që përshkruajnë mbretin suedez Gustav Vasa. Përveç pikturave të tij historike, Sandberg pikturoi një numër portretesh, ku pikasin yje që shndrijnë në tone kolori dhe dritëhije, ashtu siç vezullojnë në memorien e botës me emrin dhe veprën e tyre.
Albert Vataj
