Në moshën 5-vjeçare Lope de Vega (25 nëntor 1562 – 27 gusht 1635), dinte aq mirë latinishten saqë mund të ndihmonte në detyrat e shokëve më të mëdhenj në moshë se ai. Meqenëse nuk ishte mësuar të shkruante, ai i diktonte detyrat dhe shokët shkruanin. Në moshën 12-vjeçare shkroi një komedi në vargje. De Vega kërcente, këndonte, luante në skermë dhe thoshte se këto tre arte ishin të domosdoshme për poetin. Ai mësoi prej tyre ritmin dhe harmoninë.Lope de Vega ishte gjithashtu filozof. Një mikut të tij, që i tha se kishte fituar lavdi të pavdekshme, ai iu përgjigj duke qeshur:- Lavdia nuk është gjë tjetër veçse një pasqyrë, mbi të cilën secili beson se mund të hedhë ndonjë gur. Një shkëlqim më në fund i rrezikshëm. Unë kam shkruar njëqind komedi të mira, dymbëdhjetë vëllime në prozë dhe disa vëllime në vargje, pa llogaritur veprat e ndryshme që nuk janë botuar. Dhe çfarë më mbeti? Shumë armiq!
