Nga Albert Vataj
Ne kemi fatin të jetojmë në një realitet, i cili pavarësisht se konturohet fizikisht dhe merr trajtë jashtë nesh, ai është thelbësisht gjithçka në ne është krijuar. Ne jemi ata që vendosim se çfarë duam të përjetojmë dhe sa fruta kënaqësie duam të këpusim nga pema e mrekullive.
Erosi, seksi, epshi, ofshi, pasioni janë gjithçka që paracakton vendndodhjen tonë shpirtërore dhe fizike, atë të vetvetishme që është e gatshme të jepet momenteve flakatare, momenteve në të cilat ne flijojmë çaste të papërsëritshme të shpërthimit emocional, ato minuta që e shndërrojnë dëshirën tonë, trupat tanë në një shkas shpërthimi galaktik, në një shtysë përjetimesh të magjishme që na përtërijnë, na shndërrojnë në diell të fuqishëm rrezatues.
Shumë ndër ne mendojnë se zotërojnë mjeshtërinë e joshjes, janë zotër të trupave, janë posedues të llavës së epshit, por asnjëherë nuk e mjaftueshme për të kapur të tjera limite, për të vendosur të tjerë kufij të së mundshmes që struket thellë brenda nesh.
Si çdo mjeshtëri edhe ajo e seksi ka sekretet e saja, të cilat nuk garanton ti pasurojë shumësia e femrave me të cilat t’i kërkon ta gjesh themelin e erost në qenin tënde zotëruese. Një partnere, e pse jo ajo e ligjshmja mund të jetë fare mirë një kapacitet i pazakontë dhurimi kënaqësie, pavarësisht viteve, të cilat nuk është se e shuajnë zjarrin, por e bëjnë më të vleftë ngrohtësinë, më të rrafinuar komunikimin mishtor.
Kush është sekreti që ne të zbresim poshtë në tabanin e mundësive tona flakatare e atje të marrim për t’i dhuruar vetes së përjetimit diejt e pasionit?
Cilat janë “Mënyrat për ta bërë një burrë të çmendet në krevat”?
Vëmëndje!
Duhet të keni vëmëndje dhe përkushtim. Shumë angazhim dhe prezencë totale në prehrin e atij çasti që kërkon ta transformosh në njëkatapultim në qiejt e paeksploruar të lirisë dhe kënaqësisë.
Çdo partner ka veçoritë e tija personale të komunikimit epshor. Ashtu siç ndryshojmë të gjithë në kodin gjenetik, edhe në rebusin e komunikimit ndjesor, secili nga ne ka deshifrimin e vet që vjen nga një kujdes vigjilent që partnerët marrin nga njëri tjetri.
Roli dominues në këtë sipërmarrje ka partneri femër, ajo ka patur dhe duhet të ketë menaxhimin e situatave, zotërimin e të gjithë kapaciteteve prodhuese të trupave. Pavarësisht se ajo është e ndëshkuar nga alogjizmi budalla “seksi i dobët”, në vetvete ajo zotëron pushtetin e intimitetit, epshit, ofshit. Ajo fton, ajo josh, ajo ngas, ajo prej atë çfarë kërkon, ajo gjithnjë fiton, ose më saktë ajo garanton fitoren e shumëdëshiruar në krevat.
Olivia St. Clarire në librin “203 mënyrat për ta bërë një burrë të çmendet në krevat” këshillon: Fiksoje mirë dhe mbaje mend me saktësi gjithë vendet ku ai të prek dhe mënyrën se ai të prek, më vonë ti bëje të njëjtën gjë me të. Në qoftë se ai të dhuron një të stilit flutur në sy, ti mos harron ‘t’ia kthesh. Nëse të përkëdhel hithkat e gjoksit me gishtat e tij, tashmë të elektrizuar dhe që përçojnë një energji depërtuese dhe zjarrmuese tek, ju, bëje edhe ti. Edhe tek ti ka ndodhur e njëjta gjë. Edhe gishtat tuaj janë kthyer në elektroda vibruese dhe tela të ndjeshëm që përcjellin në përfksion energjinë që çliron trupi yt.
Pa dashur partneri ta thot me veprimet e tij se çfarë do t’i pëlqente edhe atij. Diçka Brenda nesh na shtyn të veprojmë, aq më tepër gjatë një marrëdhënie seksuale, se çfarë do të na pëlqente më shumë gjatë një furie erotike seksi. Por duhet patur kujdes. Mos ia kthe menjëherë borxhin. Një veprim I tillë I pamatur dhe naiv do të bënte që të mos shkonte gjithçka sipas planit. Ai do fillojë ta kuptojë se tip o e imiton dhe meshkujt nuk e lejojnë një gjë të tillë. Ata do ta kenë të vështirë të japin atë që sipas tyre është vetëm e tyre dhe nuk duhet ta zotërojë askush tjetër, së paku aty për aty. Pra bëjeni këtë gjë natyrshëm, në vijimsi të veprimeve që përbëjnë aktin. Gjithçka duhet të vërshojë si një përrua i mbarsur nga rrebeshi, që zbret rrëmbyeshëm në pjerrtësinë e malit duke marrë përpara gjithçka që gjen në rrugën e vet për në lum.
Pra në një farë mënyre ju duhet të prisni radhën ta “luftoni” me armët e tija. Kjo strategji nuk është vetëm një sekret i kahershëm i luftës dhe mjeteve për të mundur armikun në fushbetejë, por edhe për të vendosur pozita domonimi dhe sundimi mbi partnerin duke i dhënë gjatë një marrëdhënie seksuale pikërisht atë që ai do, pra atë që ai ta ka dhënë dhe duke ta dhënë në një farë mënyre ta ka kërkuar ose ka saktësuar recetën e saktë e çmendurisë seksuale. Si me magji dhe me shqisën e gjashtë të seksit, ju do të jeni në gjendje të lexoni trupin dhe mendjen e tij. Duke qenë në ekstazë për veten tënde, ti e çon dhe partnerin në ekstazë.
