Është ndoshta nga pasionet më të çmendura nga ato të çmendurat të botës moderne. Nëse Noe sipas Zanafillës u urdhërua nga Perëndia për të ndërtuar një lundrues që të shpëtojë botë nga apokalipsi, holandezi drupunues, Johan Huibers, vetëm një famë e madhe që tashmë po e përkund, duket se asgjë tjetër përpos ëndërrtares reale, nuk e kanë urdhëruar në këtë sipërmarrje gjigande.
Ai ka ndërtuar Arken e Nose, të famshmen jetëshpëtues biblik sipas të gjithë përshkrimeve që Zanafilla kumton. Në këtë ngulm ka vetëm një përjashtim që ndonse është thelbësor, nuk ka gjasë t’ia shuaj famën. Kjo Arkë nuk ka për mison të shpëtojë botën nga ndonjë përmbytje, por të përshkojë gjysmën e botës për të mbërritur në Lojërat Olimpike të Brazilit, 2016.
Atë e presin 5000 milje sfidë me “apokalipsin” në Oqeanin Atlantik për të mbërritur në Olimpiadën e Brazilit dhe do të kushtojë jo më pak se 1.36 milionë paund. E famshmja dhe mistikja biblike e fillesës, Arka e Noes, do të rikthehet jo në një projekt kinematografik por në një sipërmarrje pasioni, në një ngulm për të sfiduar kohët, në një të tashme për t’i ofruar njerëzimit modern faktin tronditës së përmbytjes së përbotshme dhe vullnesën e Atit Noe për të sjellë lajmin e mirë të përtëritjes, vazhdimësisë, jetës në tokë.
E gjitha kjo nuk është një fantazi, as trill nga të shumëllojshmit që popullojnë modernitetin, është frymëzimi i një marangozi holandez i cili ka ndërtuar Arkën e Noes të gjithë me dru, si ajo biblikja.
Johan Huibers e ka përfunduar ndërtimin e Arkës së Noes, madje ai e ka mbushur këtë lundrues biblik plot me kafshë prej druri. Katër vite punë dhe 1.6
milion dollarë është kostoja kohore dhe monetare që i është dashur këtij “shpëtimtari” modern të botës që të ndërtojë ëndrrën e tij. Dordrecht, në jug të Amsterdamit ku është dislokuar anija biblike është shndërruar në një atraksion turistik.
Marangozi holandez i frymëzuar nga ëndrra për të ndërtuar një kopje të Arkës së Noes, tani ka një ëndërr të re dhe po aq ambicioz – të lundrojnë anije e madhe në Lojërat Olimpike në Brazilit.
Arka e Noes është krijuar duke iu përmbajtur të vërtetës biblike. Perëndia udhëzoi një njeri të quajtur Noe për të krijuar një anije të madhe të mjaftueshme për të shpëtuar kafshët dhe njerëzimin gjatë përmbytje së botës.
Ajo është më e mëdha se sa një fushë futbolli dhe përmban pesë kate, Ark Huibers ‘mund të transportojë më shumë se 5000 njerëz në një kohë.
Që kur ajo u hap në vitin 2012, qindra e mijëra turistë janë dyndur për të shqyrtuar 410ft dhomat e saj të gjatë, 95ft gjerë dhe 75ft i gjatë, i ngjashëm me matjet e dhëna në Zanafilla 6:15.
Në përputhje me tregimin biblik, anija përfshin kopje artificiale të kafshëve në formimin e dy-nga-dy, të cilat mysafirët janë në gjendje për ti parë dhe për ti
njohur. Bashkë me kapacitetin e udhëtarëve që do të mbajë ajo do të peshojë 2500-ton. Gjatë udhëtimit të saj për në Rio de Janeiro për Lojërat Olimpike 2016, lundruesi biblik do të ndalojë në Afrikë, Amerikën Veriore dhe atë Qendrore. Itinerari i plotë nuk është konfirmuar, por në faqen e internetit thuhet se portet dëshiruar përfshijnë; Montevideo dhe Buenos Aires, Havana, Panamanë, Columbia, San Diego, Long Beach, San Francisco dhe Seattle, njoftohet në Dealy Mail.
Përshtati Albert Vataj
