Poetika shprehëse dhe thellësia e mendimit në pikturën e pop-surrealistit kilian, Christian Schloe

Nga Albert Vataj

Ai nuk ka asgjë të përbashkët me Marc Chagall, as me René Magritte, edhe pse elementë të pikturës së tij piktakohen, ndoshta në përkatësinë surrealiste. Salvador Dali, Pablo Picasso dhe Frida Kahlo janë thjeshtë një përcikje njohëse, kurrsesi përputhëse në atë që përbën në vetvete pikturën e kilianit, Christian Schloe.
Piktura e tij është ndjellëse. Ajo ka një rëndësi vizuale dhe kompozicionale, por mbi të gjitha, ajo merr vlera adhuruese në aspektin shprehës, në atë poetikë, të cilën ai e shkruan përmes një trajtese artistike dhe estetike, që orvatet të ndërtojë marrëdhënien e përfytyrimit, mendimit, ndjenjës dhe ngjyrës, imazhit dhe tërësisë së tablosë.
Christian Schloe është një artist i talentuar kilian, puna e të cilit përfshin artin dixhital, pikturën, ilustrimin dhe fotografinë. Christian Schloe shfaq momente të çuditshme që tërheq shikuesit nga një realitet konkret dhe në një botë të ëndërruar, imagjinare. Në punën e tij, artisti dixhital krijon historinë ekspresive vizuale, të mbushura me paleta ngjyra të buta, zogj elegant dhe flutura, petale lulesh dhe peizazhe të tjera madhështore. Larmia e trajtesave dhe e ligjërimit përmes kompozimit vizual e zgjerojnë duke i dhënë një horizont të pamatshëm botkuptimit të tij.
Shumë elementë estetik rreken të qasen në një shprehshmëri të veçuar, që në përbashkuesen e kompozimit pikturik, arrijnë të krijojnë një ansambël, përcjellin një melodi dhe pëshpëritin ligjërimin poetik të një shpirti që ka zgjedhur ngjyrat të sendërtojë atë botë që del nga ndjenjat për të marrë trajtë në gjithçkanë së zakontë që bëhet e jashtëzakonshme përmes asaj dinamike gjendjesh dhe shprehish, me të cilat ai prezantohet në komunikim me admiruesit e artit të tij.
Iluzioni i një kanavacë të gërvishtur dhe skajeve të vjetra të veshura aludojnë në një kohë dhe vend tjetër, ku një ujk që qan, është gjysmë njerëzor, gjysëm kafshë; një çift që vallëzon midis reve; dhe një vajzë e re mbledh pika të dritës së hënës në një tas.
Çdo kompozim i dizajnuar nga Christian Schloe është një fantazi çudibërëse e shtyrë nga artisti i talentuar në një përfytyrim, në një shprehi, në një gjendje, në një poetikë. Christian Schloe me artin e tij ai loz me përzierje elemente realiste dhe ide hutuese. Duke vepruar kështu, ai krijon iluzionin e qetësisë brenda një përbërje të çuditshme dhe konfuze. Megjithëse ai mund të ketë kuptim domethënës pas veprës së tij, artisti nuk lë të dhëna për një shpjegim. Shikuesit kanë thelbësisht personale të bëjnë përpjekje për udhëtimin deshifrues të këtij rebusi elementesh artistik, me të cilat ai kërkon të komunikojë, duke interpretuar ilustrimet intriguese me mundësi të pafund për tregimet që mund të ëndërrojmë.
Christian Schloe krijon një art të ndryshtë surreal. Arti dixhital i Schloe ndjehet më i vogli në dialog me surrealizmin fitimtar të Jeffrey Harp, por këta artistë dixhitalë surrealistë janë gjithashtu krejtësisht të ndryshëm. Puna e Schloe është më e ndritshme, më e gjallë dhe më pak e errët emocionalisht. Megjithatë, ajo akoma luan me nocionet e nostalgjisë dhe përdor motivet e pikturave dhe fotografive fitimtare. Fluturat dhe zogjtë e vendosur në mënyrë delikate, shpesh dekorojnë portrete surrealiste të Christian Schloe. Printimet e artit kanë një ndjenjë të cilësisë së mirë dhe duket se ofrojnë një moment soditjeje për shikuesin. Shtresat e kuptimit ndonjëherë bëhen të disponueshme pas disa momenteve të shikimit, por mbeten të thella, të shumëanshme dhe të pakapshme. Disa duket se janë thjesht imazhe të bukura, dhe në të tjerët frymëzimi i artistëve mund të vijë nga burime të shumta ose duket se po eksplorojnë konceptet e lëvizjes, dhe kohën. Ai përfshin në imazhet e tij gjithëçfarë përbën poetikën tonë që del nga pëfytyrimi dhe imagjinativja. Realizon kontakt ndërkohor dhe vepron lirisht në iden tonë shpreguese, pa guxuar të bëjë përkufizime dhe të sanksionojë format e kuptimsisë përmes një kodi. Ne ëndërrojmë dhe piktura e tij na tregon se sa e lehtë është t’i japësh trajtë një iluzioni, të formësosh një mendim, ta kyçësh në një kuadër poetikën e një momenti. Pikturat e tij mund të porostiten dhe të blihen online.