Fakte kureshtuese dhe befasitë që shoqëruan në vite dhjetë kryeveprat e pikturës botërore

“Mona Lisa”

Para shekullit të 20-të, historianët e artit thonë se “Mona Lisa” ishte fare pak e njohur jashtë qarqeve të pikturës. Por në vitin 1911, një ish-punonjës i muzeut të Luvrit e zhduku pikturë, e cila mbeti e humbur për dy vite më radhë. Kjo vjedhje bëri që bota të çmendej pas Mona Lizës, gruas misterioze me buzëqeshjen enigmatike. Tashmë vendi i saj si një kryevepër nuk do ta rivalizonte asnjë pikturë tjetër, atë ditë e sot.

“Darka e fundit”

Afresku “Darka e fundit” e Da Vinçit i ka mbijetuar dy kërcënime të pamëshirshme, njëra i përket kohës së luftës, kur trupat e Napoleonit, të cilët përdorën murin mbi të cilën vepra ishte pikturuar si praktikë e synuar nga mjeshtri. Ajo gjithashtu ishte e ekspozuar nën qiell të hapur për disa vite, kohë kur bombardimet gjatë Luftës së Dytë Botërore shkatërruan çatinë e manastirit Dominikan të Santa Maria delle Grazie në Milano ku ajo ndodhej.

“Nata e Yllit”

“Nata e Yllit” u realizua gjatë kohës kur Van Gogh jetonte në një azil në Saint-Rémy, Francë, duke u trajtuar për një sëmundje mendore. Ai u frymëzua nga pamja që shfaqen nga dritarja e dhomës së tij.

“Britma”

Figura androgjene në ballë të pikturës së stilit Art Nouveau nuk është duke prodhuar ulërimë, por po përpiqet të bllokojë një britmë shpuese që vjen nga natyra. Ajo u frymëzua nga një përvojë aktuale që Munch pati ndërsa po bënte një shëtitje në muzg në Oslo, kur një ngjyrim dramatik i kuq mposhti shqisat e tij.

“Guernica”

“Guernica” u zhvendos në Muzeun Metropolitik të Artit Modern në New York për ruajtje gjatë zjarrit apokaliptik të Luftës së Dytë Botërore. Picasso kërkoi që qëndrimi i tablosë të zgjaste derisa demokracia të kthehej në Spanjë. Më në fund u kthye përsëri në Madrid më 1981, gjashtë vjet pas vdekjes së diktatorit spanjoll, gjeneralit Francisco Franco ku edhe ndodhet aktualisht.

“Puthja”

Ndërsa “Puthja” nuk është në shitje, veprat e tjera të Gustav Klimt janë blerë dhe shitur për shuma të mëdha. E famshmja Oprah Winfrey  ishte për dhjetë vite pronare e “Portreti i Adele Bloch-Bauer II”, vepër që daton më 1907, pikturë të cilën ajo e bleu për 87.9 milion dollarë dhe ia shiti atë një koleksionisti kinez për vlerën prej 150 milion dollarë më 2016.

“Vajza me një vëth perle”

Kur Mauritshuis (Hagë, Hollandë) iu nënshtrua një rinovimi gjatë periudhës 2012 – 2014, piktura “Vajza me një vëth perle” shkoi në turne në Shtetet e Bashkuara, Itali dhe Japoni. Ajo tërhoqi turma të mëdha vizitorësh, duke forcuar më tej statusin e saj si një nga veprat më të famshme të artit në botë dhe si një nga kryeveprat e Johannes Vermeer.

“Lindja e Venusit”

Një nga veprat më përfaqësuese të Botticellit, e cila përfaqësohet nga dy risi domethënëse, nga shumica e veprave të tjera të bashkëkohësve të tij. Së pari, ai e pikturoi atë në kanavacë, në vend të drurit, që ishte më e përdorura asokohe. Së dyti, lakuriqësia ishte e rrallë dhe e papranueshme, kështu që ishte e guximshme nga ana e mjeshtrit që Venera të ekspozohet plotësisht pa flokët e saj të gjatë dhe të rrjedhshëm, dhe qëndrimit të dorës që me flokë mbulon pjesët e saj intime.

“Las Meninas”

“Las Meninas” ishte porositur nga Mbreti Philip IV i Spanjës , i cili sundoi nga viti 1621 deri më 1665. Ai qëndroi në pallatin mbretëror deri në vitin 1819 , kur shkoi në Muzeun Prado në Madrid.

“Krijimi i Adamit”

Tavani i Kapelës Sistine ishte zbehur nga shekujt e ekspozimit ndaj tymit të qirinjve, midis shumë efekteve të tjera që ndikojnë në dëmtimin e pikturës. Pas një pastrimi të gjatë, i cili përfundoi në vitin 1989, njerëzit u tronditën kur panë ngjyrat e ndritshme, të gjalla që Mikelangelo përdori në realizimin fillestar të veprës. Kjo punë restauruese rilindi një nga veprat më përfaqësuese të penelit të mjeshtrit.

Marrë nga CNN

Përgatiti: Albert Vataj