E kuqe, e verdhë apo blu? Cila është ngjyra e duhur e trëndafilit qe ju duhet të dhuroni?

Ata janë të gjithë të bukur, mahnitës, shumëngjyrësh dhe aromëmira. I duam dhe i dëshirojmë ngase janë sa delikate aq dhe joshëse. Më poshtë, ju sjellim kuptimet e gjashtë ngjyrave të trëndafilave dhe një një farë mënyre dhe arsyen e saktë se pse ne duhet të zgjedhim specifikisht ngjyrën e duhur për personin e duhur dhe rastin e veçantë.

Lulja që më shpesh i dhurohet njerëzve është trëndafili. Bima e ka origjinen nga Azia, ku është rritur para mijëra viteve dhe civilizimet e konsideruan si akti i Zotit. Tani, trëndafili konsiderohet si imazh i bukurisë dhe dashurisë, dhe rëndësia e saktë varet nga ngjyra e saj.

Gjatë epokës Viktoriane, në mungesë të lirisë dhe pamundësi të komunikimit si në ditën e sotme, të dashuruarit gjenin gjithëfarë mënyrash për të shprehur dashurinë e tyre. Në këtë periudhë lindi gjithashtu dhe “fjalori i trëndafilave” ndryshe i njohur si gjuha e fshehtë e trëndafilave pasi çdo lule përcillte një mesazh! Ndonëse sot buqetat nuk “flasin” si atëherë është mirë të dini se çfarë po nënkuptoni nëse i jepni dikujt një prej këtyre shprehive delikate të natyrës.

 

E kuqe: Dashuri dhe romancë

Një nga simbolet më universale, trëndafili i kuq përfaqëson dashurinë e vërtetë. Po ashtu është shfaqur përgjatë historisë dhe nëpër kultura si simbol politik dhe religjioz.

E verdhë: Miqësi, gëzim, bëhu mirë

Historikisht, e verdha ka qenë e lidhur ngushtë me diellin, duke i bërë këto lule të shkëlqyeshme për t’i gëzuar njerëzit. Trëndafilat e verdhë dërgojnë mesazh të vlerësimit dhe dashurisë platonike pa nënkuptimin romantik të ngjyrave të tjera. Kjo ngjyrë përfaqëson ndjenjat e gëzimit dhe të kënaqësisë.

Rozë: Dashuri, vlerësim, mirënjohje

Ngjyra rozë mbart më vete konotacionin e hijeshisë dhe të elegancës, si dhe ëmbëlsinë dhe romancën poetike. Lulet me ngjyrë rozë të errët janë simbol i mirënjohjes dhe i vlerësimit dhe janë mënyrë tradicionale për të thënë faleminderit. Trëndafilat ngjyrë rozë të çelët janë të lidhur me butësinë dhe admirimin, dhe po ashtu mund të përdoren si shprehje e simpatisë.

E bardhë: Pastërti, brishtësi, simpati, spiritualitet

Tradita e hershme ka përdorur trëndafilat e bardhë si simbol të dashurisë së vërtetë, një asociacion që më vonë do të bëhej vula e trëndafilit të kuq. E njohur po ashtu si lulja e nuses, lulja e bardhë është lule tradicionale e martesës. Në këtë kuptim, e bardha përfaqëson unitet, virtyt dhe dëlirësinë e një dashurie të re. Trëndafilat e bardhë po ashtu janë të lidhur me respektin dhe nderimin, çka i bën të përshtatshëm për kujtimin e të dashurve që kanë ikur.

E portokalltë: Dëshirë, entuziazëm dhe pasion

Një përzierje e saktë e të verdhës dhe të kuqes, trëndafilat e portokalltë janë parë si urë në mes miqësisë së simbolizuar nga trëndafilat e verdhë dhe dashurisë të përfaqësuar nga trëndafilat e kuq. Ata mund të jenë shprehje e fascinimit, apo dhuratë për të thënë “Jam krenar në ty”.

E purpurt: Magjepsje, madhështi, dashuri në shikim të parë

Ngjyra vjollcë ka një asociacion tradicional me mbretëroren. Në këtë drejtim, nuancat e luleve me ngjyrë të purpurt sugjerojnë një frymë të madhështisë dhe shkëlqimit mbretëror.